Првото пилот-издание на музичкиот фестивал „Скопје спејс џем“ (Skopje Space Jam) ќе се одржи на 12 декември (вторник), со почеток во 19 часот, во Планетариумот на МКЦ.

На програмата за првото издание на фестивалот се три концертни настапи на пијанистката Ема Ананиевска (19.00 – 19.45), групата „Алембик“ (20.00 – 20.45) и кантавторката Ата (21.00 – 21.45).

Во рамки на настанот ќе бидат изложени астрофотографии на Ѕвездица Алексоска, а организаторите ветуваат дека на фестивалот ќе има многу ѕвезди (во Планетариумот).

Зад идејата за основање на фестивалот стојат Ива Дамјановски и Виктор Танасковски од „Алембик“, а проектот е поддржан од Град Скопје.