Многумина се сеќаваат на остриот хумор на Кристина Еплгејт од 90-тите, каде ја глумеше шармантната и наивна Кели во серијата Married. Тоа беше почеток на кариерата на една од најпопуларните актерки од тоа време, која од 2021 година се соочува со мултиплекс склероза. Оваа хронична состојба, како што откри во нејзиниот поткаст Messy, длабоко го преобликува нејзиниот живот и кариерата.

Занемарен лик

И покрај тоа што официјално ѝ беше дијагностицирана болеста пред три години, првите симптоми се појавиле веќе во 2019 година додека ја снимала пилот-епизодата од серијата „Dead to Me“. За време на сцената на трчање низ теренот, таа се сопнала и паднала.

 

View this post on Instagram

 

A post shared by Christina Applegate ? (@1capplegate)

На почетокот не му придаваше значење на тој настан, како и нејзините колеги на сетот, сметајќи дека падот е резултат на исцрпеност. Меѓутоа, дури подоцна, таа се присетила на тој момент како прво предупредување за мултиплекс склероза. После тој настан, таа две години ги игнорирала суптилните знаци, болките во грбот и пецкањата додека тие не ја довеле до дијагнозата.

Снимањето на третата, а воедно и последна сезона на серијата „Dead to Me“ станала сè попредизвикувачка за актерката, додека нејзината подвижност се намалувала. Продуцентскиот тим ги адаптирал сцените за да ѝ го олесни процесот, но и покрај напорот, Еплгејт објави дека се повлекува од актерството во 2023 година. Сепак, таа не ја напушти целосно забавната индустрија, туку се сврте кон продуцентските улоги, ставајќи го здравјето на прво место.

Мултиплекс склероза е хронична автоимуна болест која го зафаќа централниот нервен систем, предизвикувајќи симптоми како мускулна слабост, нарушувања на видот и тешкотии со координацијата и рамнотежата. Текот на болеста варира од благ до тежок облик, а Еплгејт е една од многуте кои се соочуваат со овие предизвици.

Секојдневна борба

Во својот поткаст, актерката искрено зборува за секојдневните тешкотии, како што се кревање телефон или отворање шише, што за не сега е предизвик. Сепак, таа го задржува хуморот и оптимизмот, барајќи ги најдобрите начини да се прилагоди на животот со оваа болест. Нејзината отвореност и автентичност длабоко одекнаа кај обожавателите и луѓето кои се соочуваат со мултиплекс склероза, инспирирајќи ги со нејзината храброст и истрајност.