КК Пелистер им се врати на победите во домашното првенство откако денес во салата „Боро Чурлевски“ славеше победа против Гостивар од 117:87 во 12. коло од Првата лига.

Денес кошаркарите на битолскиот тим беа шутерски расположени, а Гостивар кој беше без неколку важни ракометари иако постигнуваше над 20 поени во четвртина сепак не беше доволно за позитивен исход против расположените „пелистерци“.

Гостивар имаше пократка клупа со тоа и помала шанса за ротација. Пред крајот на третиот период домаќините водеа и со 28 поени разлика и уште тогаш беше јасно каде одат бодовите од оваа средба.

Најефикасен на натпреварот беше Виктор Ефремовски со 34 поени, кај Пелистер „новајлијата“ Маслинко постигна 21 поен. Пелистер сезонава има само еден пораз и тоа од актуелниот шампион МЗТ Скопје.