Дербито на дното во Првата лига помеѓу Академија ФМП и Струмица донесе неизвесна битка која се решаваше во самиот финиш.

На крајот победа славеше домашниот состав со 89:80. За тимот на Академија ФМП ова беше втора победа во сезоната и сега им го препушта последното место на табелата на струмичани.

Неизвесно се играше од самиот почеток, па така првата четвртина заврши со 19:19. На одмор гостите имаа минимална предност од три коша со (38:41). Во третата четвртина скопскиот состав направи мал чекор напред и ја доби со пет поени разлика, сепак тоа не значеше многу.

На една минтута пред крајот Струмица застана, па Коскоски кој беше најефикасен со 31 поен и пет скока го реши прашањето на победникот. Крстајќи кај поразените беше најефикасен со 21 поен.