Германските власти водат истраги против 140 граѓани на државата кои од почетокот на руско-украинскиот конфликт јавно ја одобруваат инвазијата на Украина.

Во своја информација на оваа тема медиумите пишуваат дека во најголем дел од случаите стнува збор за испишување на буквата „З“ која е инаку воен симбол на руската армија во војната во Украина.

Доколку се утврди вина на осомничените германци им прети парична но и затворска казна од максимални три години.

Во своја изјава за медиумите министерот за правда на Баварија Георг Ајзенрајх, истакнал дека досега се одржани голем број протести за поддршка на Русија, вклучително и во Берлин и Хановер.

– Слободното изразување на мислење е драгоцен дел од нашиот Устав. Секој во Германија е слободен да го изрази своето мислење, но слободата на мислење завршува таму каде што започнува кривичното право – подвлекол Ајзенрајх.