Протест пред претседателската палата во Чиле, демонстрантите со пчели ја нападнаа полицијата
На вчерашните протести пред претседателската палата во главниот град на Чиле, Сантјаго приведени се четворица пчелари, а седум полицајци биле каснати од пчели и побарале лекарска помош, пренесува Ројтерс.
Препорачано
Пчеларството во Чиле е погодено од долготрајна суша, што трае од 2010 година. Пчеларите побараа помош од државата, како и средба со претседателот на Чиле, Себастијан Пинеро.
Beekeepers have placed hives containing thousands of bees outside a government palace in Chile as part of an environmental protest
Watch more Sky News video here: https://t.co/hhDQuQ1top pic.twitter.com/LGFSBBsMOH
— Sky News (@SkyNews) January 3, 2022
Пчеларите пред претседателската палата поставија околу 60 кошници со околу 10.000 пчели.
Претсатвник на чилеанското Министерство за земјоделство изјави дека Владата повеќе месеци им помага на 20 заедници кои се погодени од сушата.
Сушите и зголемувањето на температурите поради климатските промени ја загрозуваат светската популација на пчели. Во студија од 2020 година објавена во списанието „Сајнс” (Science) се наведува дека популацијата на пчели во една генерација се намалила за околу 50 проценти во Северна Америка и за 17 отсто во Европа.
