Пролетната рамноденица генерално се случувала на 21 март, а последен пат на тој датум паднала во 2007 година. Оттогаш до денес се јавува на 20 март.

Значењето на пролетната рамноденица

Зборот „рамноденица“ доаѓа од латинските зборови aequus (еднакво) и nox (ноќ), што го означува моментот кога денот и ноќта се приближно иста должина –  12 часа. По рамнодениците, деновите стануваат подолги, а ноќите пократки. Интересно е што Сонцето тој ден изгрева точно на исток и заоѓа точно на запад, што го прави совршено за следење.

Дали денот и ноќта навистина се еднакви на пролетната рамноденица?

Иако денот и ноќта се речиси идентични, има мала разлика поради хоризонтот, аголот на гледање и интензитетот на зори и самрак. Во идеални услови, од математичка гледна точка, тие би биле целосно еднакви, но во реалноста има мали отстапувања. По пролетната рамноденица деновите постепено се продолжуваат до летната  краткодневица, околу 21 јуни, кога имаме најдолг ден и најкратка ноќ.

Деновите стануваат подолги.

Од пролетната рамноденица деновите се продолжуваат за околу три минути дневно, а во северните земји и за 10 минути. Ова продолжување на дневната светлина ја поттикнува природата да се разбуди – животните излегуваат од хибернација, чувствувајќи посилна сончева енергија.

Прослава на пролетната рамноденица

Пролетната рамноденица се слави во многу култури со свечености, паради и специјални активности. Природата се буди, а луѓето добиваат нов бран енергија за промени и нови проекти. Некои го користат овој ден за духовна обнова – пост, поминување време во природа и апсорпција на сончевата енергија, додека други се впуштаат во пролетно чистење, организација на домот и планирање патувања.

Како можете да го прославите доаѓањето на пролетта?

Во чест на пролетта, одлучете да поминувате повеќе време на отворено, да ја почитувате природата и да уживате во подолгите сончеви денови и чист воздух. Нека оваа сезона ви донесе инспирација и нова енергија за личен раст и позитивни промени.