Сојузот на стопански комори (ССК) од денеска има нов претседател. Централниот регистар на Македонија го заведе Горан Ѓорѓиевски како нов прв човек на организацијата која ги застапува интересите на дел од македонските компании.

Ѓорѓиевски е сопственик на брендот „Специјал“.

Со ова заврши неколкумесечната борба за тоа кој ќе го предводи ССК, во која имаше сериозни превирања и обвинувања меѓу претендентите за превласт.

ССК во времето на претходниот претседател Трајан Ангелески беше казнета од Комисијата за заштита на конкуренцијата дека картелски се здружил со четири маркети, со цел да ги диктираат цените во продавниците.

Новиот лидер на ССК Ѓорѓиевски е досегашен потпретседател на Сојузот и прв човек на Агро-бизнис комората при оваа организација.