Професорот Орце Симов деновиве ја промовираше својата книга: „Моделирање и компјутерска симулација на генетски регулаторни мрежи“. Во книгата се обработуваат теми од областа на биоинформатиката, компјутерските науки и на генетскиот инженеринг.

– Во една клетка има ДНК-молекули во кои се запишани сите информации како таа да функционира. Таа е поделена на фрагменти наречени гени и секој ген претставува информација како да се изгради одреден протеин, а протеините се работни молекули во клетката, односно роботи што извршуваат одредени активности во клетката за да таа оптимално функционира. На пример, во бактеријата „ешерихија коли“ има 400 гени, што значи дека може да изгради 400 протеини и во зависност во какви услови се наоѓа, таков протеин гради – вели Симов.
Оваа книга треба да придонесе во развојот на научноистражувачката работа, со цел превенирање одредени болести и пронаоѓање нови лекови. Но, за сето тоа треба да се издвојат повеќе пари.
– Треба да има поголеми финансии во науката, повеќе истражувачи што се занимаваат со оваа сфера. Недостигаат финансии. Од нашиот буџет само 0,18 проценти оди за финансирање на науката – вели Симов.

Повеќе за книгата погледајте на почетокот на ВИДЕОИНТЕРВЈУТО: