Професор Буџакоски за потегот на Андреа: Да не ја напаѓаме или браниме, да ги видиме мотивите!
Професорот од областа на кривичното право и безбедноста, Стефан Буџакоски за Слободен печат коментира дали синоќешното фрлање на знамето од страна на македонската евровизиска претставничка Андреа Коевска, претставува кривично дело и како треба да се одвива целосната постапка за утврдување на одговорноста доколку таа постои.
Препорачано
-
1
-
2
-
3
Според него, во земјава има проширување на кривично-правната заштита на виталните вредности, но клучен е мотивот на евровизиската претставничка за непријатниот гест кој ги вознемири граѓаните, предизвика МРТВ како организатор да се огради и извини, а потоа тоа да го стори и самата Андреа.
Ние имаме проширување на кривично правната заштита на виталните вредности. Треба да се види намерата и целта за фрлањето на знамето, за да се знае дали да се издигне на повисоко ниво инцидентот, односно да се утврдува дали е навреда на нацијата. Знамето е дел од идентитетот на државата и нејзините елементи и ја определува државноста. Самото фрлање, по проширувањето на надлежностите на нашата држава подлежи на двојна инкриминација. Државата каде што се одржала манифестацијата е должна да преземе дејствија согласно нејзините законски надлежности. Ако државата кајшто е извршено кривичното дело не презема дејства, нашата држава може да преземе дополнителни мерки, објаснува професорот.
Сепак, според него, од витално значење е да се утврди мотивот.
Во конкретниот случај треба да се види која е целта, кои се намерите и побудите за конкретниот сторител да го направи тоа. Тоа мора да се прецизира. Мотивите се многу важни, дали е тоа сторено во миг на занесеност на пример. Кривичното право навлегува во свеста и волјата. Можеби таа во целата еуфорија направила небрежен вид на кривично дело и треба да се видат побудите. Да не ја напаѓаме или браниме, да ги видиме прво побудите, додава професор Буџакоски.
Професорот вели дека на вакви манифестации мора да има протокол кој организаторот строго ќе го следи за да се избегнат во иднина вакви инциденти.
За жал ние правиме импровизации со недоречености и не сме организирани, коментира Буџакоски.
Професор Калајџиев: Тоа сувенир знаменце и не е баш „знаме“, повеќето го фрлаат по настанот
