Професорот на Филолошкиот факултет „Блаже Конески“, проф. д-р Људмил Спасов, на вестите на Канал 5 зборуваше за малиот број на запишани студенти на студиите по македонски јазик. Како што рече тој, бројот на уписи е намален и кај студиите по албански и турски јазик.

– Се помалку има и на албански и турски. Факултетот е пазар на знаењето, пазар на науката, рече Спасов.

Деканот на катедрата по македонски јазик, Искра Пановска – Димковска, изјави дека лани се запишале 22 студенти по македонски јазик, а сега само осум.

– Секаде опаѓа интересот за изучување на мајчиниот јазик и тоа не ништо ново, но има земји каде се обезбедуваат стипендии и се посегнува по маркетинг, вели Пановска – Димовска во вестите на „Телма“.

Деканот на факултетот, Анета Дучевска, пак смета дека има голем број уписи на приватните универзитети, а и државата не го донела Законот за македонски јазик со кој ќе било задолжително зголемувањето на бројот на вработени лектори. На насоките Македонски јазик и Македонска книжевност и јужнословенски книжевности, вкупно се запишале само 15 редовни и еден вонреден студент. Осуммина од нив ќе студираат Македонски јазик, седуммина Македонска книжевност и јужнословенски книжевности, а вонредниот студент е запишан на отсекот за книжевност.

На студиите по македонски јазик и книжевност се запишаа само 16 студенти