Продуцентите на серијлот за Џејмс Бонд, Барбара Броколи и Мајкл Г. Вилсон ги открија плановите за замена за Даниел Крег. Тие рекоа дека изборот на новиот Бонд е „голема одлука“.

Броколи и Вилсон велат дека следниот Бонд ќе биде маж најверојатно во триесеттите и не е сигурно дека ќе биде белец.

„Секогаш кога ангажираме нов актер, филмовите се менуваат. Тоа е возбудата на новиот Бонд, нова насока“, рече Вилсон. „Секој од овие луѓе кои ја презедоа улогата понуди нешто ново и различно“, додаде тој.

Продуцентите сè уште работат на нова насока за франшизата 007 бидејќи Даниел Крег го остави Бонд зад себе по „Нема време за умирање“ од 2021 година, неговиот петти и последен филм во оваа акциска франшиза.