Нови 48 часа притвор им е одреден на четворицата опфатени во постапката во врска со пожарот што во саботата избувна во објект на фабрика за електронски отпад во скопско Трубарево, информираат денеска од Основниот кривичен суд Скопје.

Притвор од 48 часа за четворицата приведени за пожарот во Трубарево

Притворот, додаваат од Кривичен, е на предлог на Основното јавно обвинителство Скопје.

Претходно, на 15 септември, Кривичниот суд одреди краткотраен притвор од 48 часа за четири лица што претходната вечер во врска со пожарот беа спроведени во Судот.

Притворените се на возраст од 22 до 59 години и се осомничени дека заеднички извршиле кривично дело Загрозување на животната средина и природата со отпадот кој беше запален и долго време гореше во Трубарево.

„Нивните конкретни дејствија се испитуваат, но станува збор за 56-годишен управител и сопственик на 2 правни лица, 22-годишна управителка на трето правно лице, 42-годишник во својство раководител на подружница и еден 59-годишник вработен во правно лице. Се испитува потенцијална одговорност и на други лица“, се вели во соопштението.

Четворицата се осомничени за загрозување на животната средина и природата со отпад.

Обвинителство денеска ќе започне со увид за да ги открие причините за пожарот во Трубарево.

ВИДЕО | Драматична е состојбата во Трубарево: Гори фабриката „Нула отпад“, чад се шири насекаде

По наредба на јавниот обвинител, како што беше информирано, екипи на СВР Скопје и вчера излегле на лице место со цел преземање дејствија и прибирање определени докази потребни во однос на постапката за загрозување на животна средина со отпад.

Пожарот во Трубарево избувна во саботата на 13 септември околу 14 часот во складиште за рециклирање електронски отпад.

Мицкоски: Идентификувавме 20-на осомничени за пожарите, во моментов заседава врвот на МВР

Директорот на Дирекцијата за заштита и спасување, Стојанче Ангелов, вчера попладне информираше дека пожарот е целосно изгаснат, а целата опожарена површна е затрупана со песок и земја.

ВИДЕО | Ангелов: Пожарот во Трубарево е изгаснат, депонијата „Дрисла“ речиси целосно затрупана