Ракометарите на Алкалоид ќе имаат голема поддршка во реваншот од финалето во ЕХФ Европскиот куп против АЕК Атина.

Играчите на тренерот Кирил Лазаров се поблиску до пехарот во ова клупско натпреварување, откако на првиот натпревар славеа со 29:25.

Денеска РК Алкалоид објави дека продадени се сите билети за возвратниот дуел меѓу РК Алкалоид и АЕК Атина.

Мечот ќе се игра во СЦ „Борис Трајковски“ – Скопје со почеток од 20.30 часот.

– Вашата поддршката многу ни значи! Ви благодариме! Достоинствено да навиваме и да го поддржиме нашиот клуб во големото европско финале, на патот до европска титула! Се гледаме во сала! – стои во објавата на РК Алкалоид.