Полицијата денеска го привела дваесет и петгодишниот Ф.Љ. кој на 1 јули со мотоцикл удрил во шеесет и осумгодишниот Ј.Н. од Скопје на пешачка зона кај „Жабарот“.

-Во полициска станица во СВР Скопје денеска е извршен службен разговор со Ф.Љ.(25) од Скопје, кој на 1 јули 2025 околу 19.30 часот на пешачка патека во близина на ул.„Ленинова“ во Скопје, со мотоцикл „кавасаки“ со скопски регистарски ознаки, удрил во пешакот Ј.Н.(68) од Скопје, по што го напуштил местото на настанот, а од здобиените повреди Ј.Н. почина во Комплексот клиники „Мајка Тереза“, соопшти МВР.

Министерството наведува дека по документирање на случајот, во координација со јавен обвинител, против Ф.Љ. ќе биде поднесена кривична пријава по брза постапка.

Скопјанец со мотор смртно прегазил пешак во населбата Даме Груев

ФОТО | Мотоциклистите кои смртно го прегазија скопјанецот Југо кај „Жабарот“, наводно возеле украден мотор и бегале од полиција