Полицијата вчера на наплатна станица Миладиновци во Скопје го приведе 32-годишниот Ш.К. од Косово. Како што соопшти Министерството за внатрешни работи, при контрола на возилото со кое управувал пронајдена е поголема количина стока за која не поседувал никаква документација и околу 40 парчиња бланко бугарски зелени картони.

-На 12.10.2024 околу 09.30 часот на наплатна станица Миладиновци во Скопје, полициски службеници од Мобилната единица за компезаторни мерки при Одделот за гранични работи и миграции го лишиле од слобода Ш.К.(32) од Косово. При контрола во патничкото возило „мерцедес” со косовски национални ознаки, кое го управувал, во кое бил со уште едно лице, била пронајдена поголема количина стока за која не поседувал никаква документација и околу 40 парчиња бланко бугарски зелени картони – се вели во соопштението.

Пронајденото било одземено, а лицето било задржано во полициска станица и по целосно документирање на случајот против него ќе биде поднесена соодветна пријава.