Минатата вечер по наредба на судија на претходна постапка направен е претрес во Тетово во домот на Иџет Мемети членот на советот на обвинители и претрес во службените простории на советот на јавни обвинители, објави „Телма“. Тој претходно ја извршуваше функцијата народен правобранител.

Сомнежот е дека Мемети заедно со осомничениот судија Наке Горгиев имал влијание злоупотребувајќи ја позицијата член на Советот на јавни обвинители во случајот барање на мито за олеснителни околности за екс градоначалникот кој е во притвор Боро Стојчев.

Иџет Мемети важи за близок до ДУИ. Тој е и поранешен министер за правда, уставен судија, државен советник во Владата и член на Државната изборна комисија.