Летната сезона полека наближува, а многу туристички аранжмани се веќе склучени. Меѓу омилените дестинации за Македонците е Грција, а на социјалните мрежи се појавија првите информации за цените кај јужниот сосед.

На Фејсбук, на страницата „Live from Greece“ (Во живо од Грција) објавена е сметка од една таверна.

Вкупниот износ е 48 евра, а на менито се нашле лигњи, школки, октопод, салата од рукола, леб, узо (2х200мл) и две води.

Салата од рукола – 5 евра
Лигњи – 8 евра
Варени школки – 8 евра
Октопод – 10 евра
Вода x 2 – 1 евро
Леб – 1 евро
Узо 200 мл – 8 евра

„Свежи цени, па да знаеме што нѐ чека“, напишал еден од администраторите на групата. Покрај тоа, откриени се и цените на намирниците од супермаркетите.

Не е прецизирано за која локација се работи, но една членка на групата открива какви се цените на островот Крит.

„Ние во моментов сме на Крит, вечерата за тројца нѐ чини помеѓу 50 и 56 евра во зависност од ресторанот. Ова е отприлика цената за едно предјадење (да каснеме нешто додека не дојде главното јадење, бидејќи ако земеме повеќе, тогаш повеќе не сме гладни), три главни јадења, едно вино и четири безалкохолни пијалаци. Порциите беа секогаш толку големи што ретко кога ги јадеме докрај. Немаше место за десерт, иако секогаш пристигнува нешто (овошје или некои колачи) од ресторанот“, истакнала таа.

Повеќето љубители на Грција изјавија дека цените, со оглед на свежината на производите и самиот амбиент се повеќе од реални, а објавата не можеше да помине без споредба со нашите ресторани.