Македонскиот репрезентативец Бојан Миовски, доби понуда кариерата да ја продолжи во редовите на францускиот тим Ремс.

Но, тренерот на Абердин, Џим Гудвин, по доаѓањето на Бојан Миовски во клубот најавуваше дека без разлика што и да се случува, македонскиот репрезентативец ќе остане во клубот најмалку до јуни 2023 .

Миовски одлично се вклопи во тимот и веќе ја освои шкотската фудбалска сцена многу побрзо од предвидувањата и на сите во клубот. Па, веќе се активираа бројни понуди за услугите на македонскиот напаѓач кој досега има 12 гола за Абердин од кои 11 во Премиершип што го издвојува и, заедно со Хрватот Чолак од Глазгов Ренџерс, како најдобар стрелец во лигата.

Според информациите од шкотските медиуми, Абердин не размислува да го продаде Миовски за сума помала од пет милиони евра, што е речиси десет пати повеќе од сумата за која го донесе од унгарски МТК.