Принцот Хари побарал совет од братот на неговата мајка, грофот Чарлс Спенсер, во врска со можноста за промена на презимето во „Спенсер“, објави британскиот весник „Дејли мејл“.

Според извори, војводата од Сасекс го разгледувал овој потег, што би значело отфрлање на презимето „Маунтбатен-Виндзор“ што го користи кралското семејство и го користат неговите деца, принцот Арчи и принцезата Лилибет.

Имено, мајката на Хари, принцезата Дијана, потекнува од семејството Спенсер, а тој сакал да го земе презимето на неговата мајка за да ја испочитува.

За време на неговата посета на Велика Британија, принцот Хари разговарал за ова прашање и со својот чичко, грофот Спенсер. Како што наведува „Дејли мејл“, грофот го советувал да се воздржи од промена на презимето, со оглед на законските пречки.

Презимето „Маунтбатен-Виндзор“ стана официјално за потомците на кралицата Елизабета Втора и принцот Филип, а употребата на ова презиме за децата на војводата и војвотката од Сасекс претставува значаен чекор во зачувувањето на семејната традиција. Сепак, уште од нивната венчавка во 2018 година, семејството на Хари има предизвици во врска со имињата и титулите, истакнуваат медиумите.

Сопругата на Хари, Меган Маркл, во неколку наврати инсистираше дека „Сасекс“ е нивното семејно презиме, дури и ги коригира гостите во нејзината емисија, иако таа и принцот Хари веќе се повлекоа од своите официјални улоги во кралското семејство.

Принцот Вилијам му постави ултиматум на принцот Хари: Разведи се од Меган и ќе ти дозволам да се вратиш во семејството