Принцот Хари му ветил на својот татко, кралот Чарлс Трети дека ќе молчи за нивните приватни разговори пред да се сретнат вчера за првпат по повеќе од 18 месеци, беше откриено денес од британските медиуми.

Војводата од Сасекс помина 55 минути пиејќи чај со кралот Чарлс во Кларенс хаус во Лондон, како дел од обидот за „обновување на врската меѓу таткото и синот“.

Кога се сретнаа во февруари 2024 година, откако на монархот му беше дијагностициран рак, Хари имаше само околу 30 минути да разговара со својот татко.

Извор од кралското семејство вели дека Хари е решен да го „обнови“ својот однос со своето семејство, но и со британскиот народ.

„Ова е важен прв чекор кон обновување на врската меѓу татко и син. Тој му рекол на својот татко дека нема да дава интервјуа за тоа, а на неговиот тим му било наложено да не открива што е кажано за печатот. Тој има долг пат пред себе за да ја врати довербата на семејството, но дал одредени гаранции“, изјавил инсајдер за „Дејли мејл“.

По вчерашниот состанок, Хари се појави расположен на настанот Инвиктус игрите“, каде што рече дека неговиот татко се чувствува „одлично“, кога го прашаа за состанокот.

Принцот Хари планира да сними документарец за својата покојна мајка Дијана: Ќе ја открие ли вистината?