Алергијата е имунолошки одговор на нашиот организам на супстанции што се сметаат за туѓи и потенцијално опасни, какви што се полен, прашина, храна, лекови…

Кога телото ќе дојде во контакт со овие супстанции (алергени), имунолошкиот систем произведува антитела за да се бори против нив. Ова може да резултира со ослободување хистамин и други хемикалии, кои предизвикуваат алергиски симптоми какви што се чешање, осип, кивање, отежнато дишење, анафилакса…, објаснува примариус спец. д-р Маја Кирјас, хирург – оториноларинголог.

Зошто е битна добра цревна флора и поврзаноста со алергиите?

Добрата цревна флора, односно здрава популација на микроорганизми во цревата, игра клучна улога во одржувањето на здравјето на дигестивниот систем и имунолошкиот систем. Еве неколку причини зошто е важно:

1. Помага во варењето на храната: Цревната флора помага во разградувањето на храната и во апсорпцијата на хранливите материи, а со тоа го поддржува оптималното функционирање на дигестивниот систем.

2. Го зајакнува имунолошкиот систем: Здравата цревна флора поддржува здрав имунолошки одговор, помагајќи во борбата против инфекциите и намалување на ризикот од алергии и автоимуни болести.

3. Ја одржува цревната бариера: Цревната флора игра важна улога во одржувањето на интегритетот на цревната бариера, што помага да се спречи навлегувањето на штетни материи и микроорганизми во крвотокот.

4. Го регулира воспалението: Добрата цревна флора може да помогне да се намали хроничното воспаление во телото, кое е поврзано со различни здравствени проблеми какви што се срцеви заболувања, дијабетес и ревматоиден артритис.

5. Влијае врз менталното здравје: Цревната флора може да влијае врз производството на невротрансмитери како серотонин, кои се поврзани со расположението и менталното здравје.
За недостигот на магнезиум, витамините Б7, Б12, Д и К се виновни цревните бактерии.
Оштетените црева предизвикани од нездрава исхрана, може да предизвикаат алергии на храна и губење протеини. Ова може да предизвика кожни заболувања какви што се егзема, розацеа, акни, осип и псоријаза.

Поради сето горенаведено, одржувањето здрава цревна флора е клучно за целокупното здравје на телото.
Истражувањата покажуваат дека зголемената разновидност на микроорганизми во цревната флора е поврзана со помал ризик од алергиски заболувања. Првите неколку месеци по раѓањето се клучни за развојот на цревната флора на детето. Превенцијата од алергиски заболувања е особено важна во овој период. Мајчиното млеко на жената содржи повеќе од 200 различни молекули на шеќер. Нивната задача е да промовираат здрава колонизација на бактерии во првиот период по раѓањето. Имуноглобулинот А, кој се наоѓа во мајчиното млеко, служи за заштита од инфекции и затоа е важен протеин за имунолошкиот систем на детето.

Алергиска реакција во основа се јавува само ако имунолошкиот систем претходно бил во контакт со туѓа супстанција. Обично нема реакција при првиот контакт, а симптомите се појавуваат само кога контактот е повторно воспоставен. Генетиката игра голема улога во развојот на алергиите. Децата чии родители се веќе алергични, имаат поголем ризик да развијат алергии. Исто така, колку повеќе и подолго некој е изложен на потенцијален алерген, толку е поголема веројатноста да развие алергија. Прекумерната хигиена во детството и чување на детето во „стаклено ѕвоно“ може особено негативно да влијае врз ризикот од алергии и намален севкупен имунитет на детето.

Од горепишаното заклучуваме дека нерамнотежата на цревната микрофлора или оштетувањето на цревната бариера може да придонесе за развој на алергиски реакции. Здравата цревна флора и интегритетот на цревната бариера се исклучително битни за правилен имунолошки одговор на организмот и намалување на ризикот од алергиски реакции.

Доктор Маја Кирјас: Ризикот на пациентите со апнеа – прекин на дишење во сон

Доктор Маја Кирјас: Естетска корекција на ушите

Доктор Маја Кирјас: Затнатиот нос е „пријател“ на синузитот