Вчера во Прилеп се случил тежок инцидент кога, по сообраќајна несреќа на крстосница во градот, едниот возач извадил нож и го избол 43-годишниот сограѓанин со чиј автомобил се судрил, соопшти МВР.

„На 03.10.2025 во ОВР Прилеп е пријавено дека на крстосница од ул.„Прилепски Бранители“ со бул.„Гоце Делчев“ се случила сообраќајна несреќа помеѓу патничко возило „бмв“ со прилепски регистарски ознаки, управувано од М.Џ.(43) од Прилеп и патничко возило „ауди а3“ со прилепски регистарски ознаки. Според пријавеното, веднаш потоа настанала расправија помеѓу М.Џ. и возачот на возилото „ауди“, кој притоа со остар предмет го нападнал М.Џ. и му нанел убодна рана. Се преземаат мерки за расчистување на настанот“, пишува во полицискиот билтен.