Црногорскиот Институт за јавно здравје соопшти дека во таа земја е потврден првиот случај на зараза со подваријантата на омикрон БА.2, кој во медиумите е познат како кракен. Како што наведуваат, Црна Гора на тој начин се приклучи на листата на земји каде е регистрирана мутација на високоинфективен вид.

„Европските земји кои досега пријавиле случаи на зараза со подваријантата омикрон се Велика Британија, Данска, Франција, Австрија, Германија, Италија, Шпанија, Шведска, Исланд, Белгија, Чешка и Португалија“, велат црногорските епидемиолози.

Тие во соопштението потсетија дека новата подваријанта на омикрон е создадена со комбинирање на две други подваријанти на овој сој и дека за прв пат е регистрирана во јуни во Соединетите Американски Држави, каде што моментално циркулира доминантно.

Тие исто така предупредија дека еволуцијата на коронавирусот продолжува во насока на создавање подваријанти кои се полесно преносливи и го повикаа населението да се вакцинира бидејќи, како што тврдат, соодветно вакцинираните лица имаат поблага клиничка слика и поповолна исходот на болеста.