Пријател на Лиам Пејн, кој бил со пејачот пред неговата смрт, вели дека неговите најблиски „навистина се обиделе да му помогнат“. Рохелио „Роџер“ Норес,  кој беше еден од последните луѓе што го виделе жив пејачот на „Уан дајрекшн“, верува дека смртта на Пејн била резултат на „несреќен сплет на околности“, пишува „Си-ен-ен“.

Пејн почина откако падна од третиот кат од хотелот во кој престојуваше во Буенос Аирес, Аргентина, во октомври, изјави локалната полиција тогаш за „Си-ен-ен“. Имаше 31 година.

Пет лица се обвинети во врска со смртта на Пејн во јануари, според локалното обвинителство. Норес беше еден од тие лица, но неговите и други обвиненија беа отфрлени.

Вработен во хотелот и локален келнер се уапсени под обвинение дека го снабдувале Пејн со кокаин за време на неговиот престој во хотелот.

Норес не можел ни да замисли дека такво нешто може да му се случи на Пејн. „Беше незамисливо да се очекува дека ќе дојде до ова“, рече тој.

Норес и Пејн заедно отпатуваа во Буенос Аирес на, како што тој го опиша како „лично патување“, за да може Пејн да го види својот поранешен колега од бендот Ниал Хоран на концерт.

„Тој беше само момче кое уживаше во животот и сакаше да патува на различни места и да гледа луѓе, тој беше среќен. Тој не беше тажен, депресивен и сам“, рече Норес.

Тие двајца, заедно со девојката на Пејн, Кејт Кесиди, поминуваа време заедно дружејќи се и правејќи „нормални“ активности како куглање и гледање филмови, рече Норес.

Пејн „остана присебен“ за време на патувањето, вели Норес. Неколку дена пред да падне Пејн, Кесиди го напушти Буенос Аирес и се врати дома.

Пред смртта на Пејн, некој му давал дрога, рече Норес. Подоцна беше утврдено дека пејачот поседувал алкохол, кокаин и антидепресив на рецепт пред неговата смрт, соопшти аргентинското обвинителство.

„Мислам дека дрогата не го убила“, рекол Норес, додавајќи дека мисли дека се работи за несреќен случај.

Норес и Пејн се запознаа во 2020 година и брзо развија блиско пријателство. Како што наведува, тој е еден од најдобрите пријатели што ги имал во животот.

Истрагата за смртта на Пејн беше поведена во октомври.

Норес, заедно со менаџерот на хотелот каде што се случи инцидентот и менаџерот на рецепцијата, беа ослободени од обвиненијата по истрагата за убиство од небрежност, според судските документи.

Вработените во хотелот и локалниот келнер кои остануваат во притвор може да се соочат со затворска казна до 15 години, се вели во судските документи. Локалниот адвокат на келнерот во декември изјави дека неговиот клиент не е виновен и дека ќе поднесе жалба на обвинението.

Пејн отворено зборуваше за неговите борби со злоупотреба на супстанции и неговото ментално здравје. Пејачот одбележа шест месеци како бил чист, по завршувањето на лекувањето во една американска установа.

Тој требаше да започне нова јужноамериканска турнеја во септември истата година, но ги одложи закажаните датуми откако претрпе инфекција на бубрезите.

„Беше доволно паметен за да биде опкружен со навистина здрава средина, а неговото семејство и луѓето околу него дадоа се од себе“, рече Норес.

Лиам ја стекна светската слава како дел од „Уан дајрекшн“, еден од најголемите британски бендови, кој се формираше на британскиот „X Factor“ во 2010 година.