Претседателот на Судски совет на РСМ Сашко Георгиев рано утрово го посети Основниот суд во Куманово, каде ноќеска околу 2 часот по полноќ изби пожар во подрумските прпостории, соошти Судскиот совет.

Во разговор со в.д. претседателот на кумановскиот суд Снежана Манев, Георгиев беше информиран дека пожарот бил регистриран во подрумскиот дел во една од просториите каде што се наоѓа архивата со стари предмети.

– Претседателот на Судски совет изрази надеж дека последиците од пожарот што поскоро ќе бидат санирани, а криминалистичките вештачења и преземените истражни дејствија завршени во најкус можен рок, за да се откријат причините за несреќата и обемот на направената штета. Претседателот Георгиев е во постојана комуникација со ВД претседателката и пожарникарните служби, на кои им понуди дополнително ангажирање и на други служби, со цел успешно да се изгасне пожарот – се вели во соопштението од Судскиот совет.