Националното биро за истраги на Словенија денеска претресе 11 локации во Љубљана поради истрага против пет лица осомничени за перење пари и злоупотреба на службената положба, соопшти полицијата, додека локалните медиуми објавија дека истражителите биле и во семејната куќа на градоначалникот на Љубљана, Зоран Јанковиќ.

Речиси 35 истражители вршат претрес во приватни куќи и деловни простории со цел да најдат информации и докази за сомнителни кривични дела од еден милион евра, пренесува СТА.

Истрагата ја покрена специјалното државно обвинителство пред две години, соопшти полицијата.

Пет лица се осомничени дека переле нови, од кои две се осомничени и за злоупотреба на положбата. Никој не е уапсен при претресот, соопшти полицијата.

Градоначалникот на Љубљана изјави дека претресот во неговата куќа е извршен „правилно“ и најави дека во текот на денот ќе одржи прес-конференција.

Словенечките медиуми наведуваат дека вниманието на истражните органи е насочено кон неговите синови и сопруга, како и двајца други бизнисмени.