Карди Би за време на пренос во живо на социјалните мрежи „удри“ по сопругот Офсет и свекрвата Латабија Вудворд. Имено, раперката го обвини нејзиниот сопруг и неговата мајка дека ја ограбиле, пишува „Пејџ сикс“.

„Не сакам да слушам откако ме ограбивте ти и мајка ти. Да, ти и мајка ти ме ограбивте. Ти реков да престанеш да си играш со мене“, рекла Карди Би во директен пренос на Икс.

Раперката не откри детали за наводниот грабеж, а Офсет допрва ќе ги коментира нејзините наводи.

„Вчера, годинава за првпат ја побара ќерка ти. Твоето новороденче“, додала таа, мислејќи на нивната ќерка, која ја добија во септември.

Инаку, двојката ја има и ќерката Култур и синот Вејв, па Карди го искритикува дека не се грижи и за нив.

„Толку ги сакаш своите деца и ништо не си им купил за Божиќ. Но, дојде во Њујорк да купиш подароци за твоите други деца. Не си купил подароци на моите деца намерно, за инает. Видете, бевме во добри односи. Не бевме заедно, но останавме добри. Престанете да си играш со мене“, рекла Карди.

ВИДЕО | Карди Би ги критикуваше поддржувачите на Трамп: „Ми се гади од вас“