Македонската женска сениорска ракометна репрезентација в сабота од 19.00 часот во СЦ „Борис Трајковски“ ќе го игра првиот натпревар од баражот за пласман на Светското првенство кое ќе се одржи годинава во Данска, Норвешка и Шведска.

Противник на нашите најдобри ракометарки е Украина, а потсетување дека за овој меч во Скопје влезот е слободен за сите љубители на ракометот и спортот.

Нашата најдобра женска ракометна селекција ќе добие премија од 2.500.000 денари или околу 40.000 евра доколку се пласира на Мундијалот, ваква одлука донесе Управниот одбор на Ракометната федерација на Македонија.

Потсетување дека реваншот меѓу Украина и Македонија ќе се игра на 11 април од 17.00 часот во Кишварда, Унгарија.

Селекторот Љубомир Савевски за дуелот во Скопје ќе смета на вкупно 20 ракометарки.