Премиерот на Хаити, Клод Жозеф, денеска апелираше до граѓаните да ги предадат на полицијата осомничените убијци на претседателот Жовенел Моиз и да не ги линчуваат.

Претходно денес стотици жители на Хаити пред полициската станица во Порт-о-Пренс, каде што се наоѓаат осомничените за убиството, извикуваа „изгори ги”.

Тие запалија возило за кое претпоставиле дека е возило на атентаторите. Претседателот на хаити Моиз (53) беше убиен од непознати напаѓачи во неговата приватна резиденција, а неговата сопруга Мартин Мари Етјен Жозеф, која исто така беше ранета во нападот, се наоѓа во критична состојба и е пренесена во болница во Мајами