Англиската фудбалска Премиер лига во понеделникот му ги продаде телевизиските права за домашниот пазар на „Скај Спортс“ за 6,7 милијарди фунти, односно 8,4 милијарди долари за следниот четиригодишен циклус, што е најголемиот договор за правата на спортските медиуми склучен некогаш во Велика Британија, пренесува „Би-Би-Си Спорт“.

Новиот договор го опфаќа периодот од 2025-2026 до 2028-2029 година, а Скај ќе прикажува повеќе настани во Премиер лигата од кој било друг радиодифузер досега, со најмалку четири натпревари неделно.

Скај ќе пренесува минимум 215 натпревари по сезона, што е до 100 натпревари повеќе по сезона отколку моментално, додека ТНТ Спортс, порано БТ Спорт, ќе добие 52 натпревари. „Амазон Прајм“, кој во тековниот циклус кој трае до 2024-2025 година пренесува 20 натпревари по сезона, не се пријави за натпреварите во следниот циклус.

? Sky Sports have secured four of the five packages for the new Premier League TV deal with TNT Sports securing the other.

Amazon will not show any Premier League football.

The deal is worth £6.7 billion, an increase of £1.5 billion.

(? Sky Sports) pic.twitter.com/jL6ZP9OLi6

— Transfer News Live (@DeadlineDayLive) December 4, 2023

Ќе се пренесуват повеќе од 140 натпревари за викендот, натпревари во понеделник и петок навечер и најавено е целосно покривање на три кола во средината на неделата. Скај за првпат ќе ги пренесува сите 10 натпревари од последното коло на Премиер лигата во секоја сезона.

Со овој договор премиерлигашот го потврди статусот на најскапа фудбалска лига во светот со годишна цифра од 1,675 милијарди фунти, или 2,21 милијарди долари, што е околу двојно повеќе од вредноста на домашните права во Германија, Шпанија и Италија.

Сегашниот договор е вреден 1,66 милијарди фунти или 2,10 милијарди долари по сезона.