Сè повеќе луѓе се грижат за собни растенија, но пред да се одлучите на тој чекор, важно е да знаете кои растенија треба да ги избегнувате во спалната соба.

Собните растенија можат да го подобрат квалитетот на воздухот со апсорпција на загадувачи додека обезбедуваат кислород, кој ви помага да спиете. Сепак, некои домашни растенија подобро се чуваат во други простории во домот наместо во спалната соба.

Имено, експертите открија кои четири растенија треба да ги избегнувате во спалната соба бидејќи можат да предизвикаат респираторни проблеми и главоболки.

„Создавањето засолниште за растенија во вашата спална соба може лесно да се направи со малку размислување и грижа. Иако повеќето растенија ќе го подобрат естетскиот изглед на вашата соба, некои имаат повеќе корисни квалитети од другите“, вели експертот Ник Шаклок.

На пример, еукалиптусот е растение познато по својот прекрасен мирис и може да биде неодолив за многу луѓе. Сепак, неговиот мирис често може да резултира со главоболки поради силниот мирис, како и иритација на респираторниот систем. Затоа е подобро да го чувате во бањата.

Кактусите исто така треба да се чуваат надвор од спалната соба, главно затоа што оваа соба е помалку осветлена. Сепак, ова растение може да доведе и до случајни повреди ако го бутнете во текот на ноќта. Препорачливо е да се чуваат на повисоки места.

Орхидеите обично се безопасни, но мал процент од луѓето се всушност алергични на нив, што може да предизвика можни респираторни проблеми или алергиски реакции поврзани со кожата. Тие можат да бидат и предизвик за одржување, што не е идеално ако ги чувате во просторијата каде што најмногу се одмарате.

Ако имате домашни миленици во вашиот дом, тогаш саго палмата е растение кое дефинитивно треба да го избегнувате, иако е популарно во спалната соба.

Сао палмите содржат цикадин, кој може да предизвика повраќање, оштетување или откажување на црниот дроб, хеморагичен гастроентеритис, а во екстремни случаи и смрт доколку го проголтаат домашни миленици.

Од друга страна, растенијата кои се подобар избор за спални се алое вера, сансеверија, лаванда и лилјани благодарение на нивните својства за прочистување на воздухот.