Бејџан Илјаз, пратеник од Демократската партијата на Турците, кој е во коалиција со Европскиот фронт предводена од ДУИ, побара турскиот јазик да биде рамноправен со останатите два јазика, па тој да може да говори на турски од собраниската говорница. На тоа тој веднаш доби предлог од ВМРО – ДПМНЕ да влезат во владата, да добијат заменик министерско место и така да се борат за правата на малцинствата.

Денеска сум принуден да зборувам на еден од службените јазици иако многу подобро можам да се изразам на мојот мајчин турски јазик. Зарем толку е тешко ова Собрание да донесе одлука за користење други јазици, особено при говори на седниците и комисиите.

Има примери од доста земји каде ова право е дозволено. Следниот период ќе иницираме барање до Собранието со цел да ја имаме можноста да се обраќаме на своите мајчини јазици. Ако сме рамноправни граѓани, дајте дозволете тоа да биде возможно и во Собранието, рече Илјаз.

Пратеникот од Вреди, Халил Снопче пак, од собраниска говорница рецитираше стихови од турска песна на три јазици.