Познато е кога ќе биде погребот на Клаудија Кардинале: Семејството на актерката има едно необично барање
Познатата актерка Клаудија Кардинале, која почина на 23 септември на 88-годишна возраст, ќе биде погребана во вторник во Париз.
Препорачано
Како што објавија француските медиуми, погребот и збогувањето ќе се одржат во црквата Сент Рош, место кое се смета за светилиште за уметниците и каде што големите ѕвезди често се испраќаат во вечното почивалиште.
Според нејзиниот агент, Клаудија Кардинале ќе биде кремирана во најтесниот семеен круг во првиот париски арондисман, додека посебна служба за неа ќе биде организирана во Немур, каде што познатата дива живееше во последните години.
Семејството упати необично барање – наместо цвеќе и раскошни венци, ги поканија сите што сакаат да ѝ оддадат почит на легендата на италијанско-француското кино да донираат во Фондацијата „Клаудија Кардинале“, која ја основала заедно со својата ќерка во Немур, со цел да ги поддржи младите уметници.
Клаудија Кардинале ќе биде запаметена како една од најголемите европски актерки, а нејзината кариера беше обележана со соработка со великани како Лучино Висконти, Федерико Фелини, Ричард Брукс и Серџо Леоне, кои ја направија симбол на филмската ера од 60-тите години на минатиот век.
