Поранешниот тапанар на популарниот американски хеви метал бенд „Баронес“, Ален Бликли, беше пронајден мртов во својот стан, објавија странските медиуми.

Според извештаите, музичарот починал ненадејно на 42-годишна возраст. Причината за смртта сè уште е непозната, но веста за трагичниот случај ја потврди неговиот брат Дру преку социјалните мрежи, истакнувајќи дека Ален не бил само талентиран музичар, туку и сакан брат и пријател.

Ален Бликли беше дел од бендот „Баронес“ од неговото основање во 2003 година, а со нив свиреше на првите три студиски албуми – „Red Album“ (2007), „Blue Record“ (2009) и „Yellow & Green“ (2012).

Групата доби светска популарност благодарение на единствената комбинација од метал, прогресивен рок и слаџ звук, а Бликли даде огромен придонес за успехот со својот препознатлив стил.