Познатиот готвач и ѕвезда на шоуто „Саботна кујна“, Расел Норман (57), се самоубил во градината на својот дом, по пијана расправија со својата девојка.

Како што пишува „Дејли мејл“, тој наводно имал жестока караница со својата партнерка, по што се обесил.

Истрагата во Оуквуд Хаус во Мејдстон завчера открила дека тој имал двојно поголема количина на алкохол во својот организам од дозволената граница за возење под дејство на алкохол, а забележан е и заклучок за самоубиство со бесење.

Норман отишол во градината на својот дом во Плукли откако се расправал со својата девојка, историчарка на уметност, д-р Женевиев Вердигел. Таа го пронашла како лежи во несвест и се обидела да го спаси.

И покрај обидите на неговата девојка и медицинскиот персонал да го реанимираат, Норман претрпел сериозно оштетување на мозокот и починал пет дена подоцна во болница.

Наградуваниот готвач и сопственик на ресторан, кој редовно се појавуваше во емисијата на Би-би-си, беше пронајден во ноември минатата година.