Познатиот американски режисер Оливер Стоун се вакцинираше против ковид-19. Неговиот избор падна на руската вакцина „Спутник V“, а откако му беше аплицирана дозата изјави оти „не разбира зошто производот на „Гамалеја“ е игнориран на запад“.

– Пред неколку дена ја примив вакцината. Не знам колку е ефикасна руската вакцина, но знам дека се изнаслушав дека има позитивни реакции на неа, изјави Стоун за рускиот „Прв канал“.

Министерството за здравство на Русија ја регистрира анти-ковид вакцината уште во август. Производот е развиен од Националниот истражувачки центар за епидемиологија и микробиологија „Гамалеја“ во соработка со Рускиот фонд за директни инвестиции.