Алесандра Маси и Чарлс Данс / Фото: Profimedia

Познатиот актер уживал со девојката на нудистичка плажа: Папараците ги фатија целосно голи, сликите се проширија на мрежите

Англискиот актер Чарлс Денс (77) и неговата девојка Алесандра Маси (55) уживале на нудистичка плажа во шпанско одморалиште, а фотографиите веќе се шират на социјалните мрежи.

Ѕвездата од популарните серии „Игра на тронови“ („Game of Thrones“) и „Круната“ („The Crown“) безгрижно се забавувал со својата девојка, а фотографиите од нивните моменти на плажа завршија во светските медиуми.

Денс и Маси се запознале на снимањето на филмот „Книгата на визијата“ („The Book of Vision“) во 2020 година, пишува „Дејли мејл“. Тогаш Маси работела како продукциски менаџер, а токму нивниот состанок, открил актерот во едно интервју,  му е главното сеќавање од филмот.

 

Да потсетиме, Денс беше во брак со Џоана Хејторн од 1970 до 2004 година, со која има две деца – Оливер (50) и Ребека (44).

Актерот потоа беше поврзуван со актерката Софија Мајлс, манекенката Шамбала Марта и уметничката Елинор Бурман.

Самиот призна дека ја изневерил сопругата Џоана, но и дека е благодарен што успеала да му прости, па сега се најдобри пријатели.

„Во најголем дел тоа беше прекрасен брак, но потоа, за жал, подлегнав на некои искушенија на патот и бракот заврши поради моето однесување. Но, по околу 18 месеци, Џо и јас станавме најдобри пријатели и така останавме до сега, фала Богу“, изјави тој, а пренесе „Дејли мејл“.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот