Осминафиналето на Европското првенство во кошарка е зад нас, а она што прво нè очекува во следниот период се четвртфиналето.

Имаше неколку големи изненадувања во осминафиналната фаза, првиот фаворит за златото според ФИБА ранкинзите, Србија загуби од Финска, а елиминација доживеа и Франција на дуелот со грузиската репрезентација.

Словенија предводена од најголемата ѕвезда Лука Дончиќ триумфираше против Италија, а во четвртфиналниот дуел за противници ќе го имаат актуелниот светски шампион Германија.

Потсетување, сите натпревари од осминафиналето до самата завршница на Евробаскет се играат во летонскиот град Рига. Финалето и мечот за бронзата се закажани за в недела на 14 септември.

Евробаскет 2025
Четвртфинале, двојки/термини:

9 септември

16.00 часот Турција – Полска
20.00 часот Литванија – Грција

10 септември

16.00 часот Финска – Грузија
20.00 часот Германија – Словенија