Французинките и натаму без пораз на Мундијалот во Шпанија/Гранољерс, Шпанија/13 декември 2021/Фото: EPA-EFE/Enric Fontcuberta

Познати четвртфиналните двојки на Светското ракометно првенство во Шпанија

Заврши и главната фаза на Светското првенство во женска сениорска конкуренција кое се одржува во Шпанија.

Француската репрезентација без ниту еден пораз влегува во четвртфиналните борби, во рамките од групата „1“ (главна фаза) во дербито ја совлада Русија или Руската ракометна федерација под чие име настапува на овој Мундијал со резултат 33:28.

Најефикасни во победничките редови со по пет голови беа Фопа и Пино, а на спротивната страна истиот учинок го имаше и Манагарова.

Успешни на ова СП продолжуваат и скандинавските селекции, во групата „2“ (главна фаза), Норвешка беше подобра од Холандија со 37:34. По девет голови на двете страни забележаа Реистад и Хушир.

Во истата група Шведска со 34:30 славеше над Романија предводена од Блом со седум погодоци, колку што има и Ласло во поразените редови.

Светско првенство во Шпанија (жени)

Четвртфинале, двојки –

14 декември
Данска – Бразил
Шпанија – Германија

15 декември
Франција – Шведска
Норвешка – Русија

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот