Со одигрување на денешното 22. коло во Првата фудбалска лига (ПМФЛ), заврши вториот дел од сезоната и веќе е познат распоредот за третиот круг.
Распоредот на натпреварите за третиот дел од сезоната е одреден според Бергеровиот систем, а најтрофејниот фудбалски колектив во Македонија, Вардар, кого го очекува борба за опстанок, има пеколен старт. Во првото од предвидените 11.кола, Вардар игра против Шкупи, додека во второто го пречекува лидерот на табелата, Шкендија.
Од друга страна, лидерот Шкендија третиот дел од сезоната го започнува на домашен терен против Пелистер.