Во саботата се одржа 68. издание на Изборот за песна на Евровизија, а во публиката која будно ги следеше настапите имаше и светски ѕвезди. Имено, холивудскиот актер Вил Ферел и неговата сопруга, актерката Вивека Паулин, беа присутни на овогодинашниот избор за песна на Евровизија.

Објавени се нивните фотографии од црвениот тепих во Малме Арената. Вивека беше облечена во лежерна облека, додека Вил носеше сина кошула и зелена јакна. Актерот не го криеше ентузијазмот за настапите на многубројните претставници.

Инаку, Вил пред четири години направи музичка комедија наречена „Избор на песна за Евровизија: Приказната за огнената сага“, која е достапна на Нетфликс. Филмот го режираше Дејвид Добкин, а сценариото го напишаа Вил Ферел и Харпер Стил. Приказната ги следи пејачите од еден мал град кои добиваат шанса да ја претставуваат својата земја на Евровизија и се на пат да го остварат својот сон за светска слава.

ВИДЕО | По победата на Евровизија, Швајцарецот Немо го скрши трофејот, си го повреди и прстот