Невакцинираните тенисери и тенисерки ќе можат да учествуваат на Австралија Опен само доколку добијат медицински исклучок, со што се отвора можност за настап на Новак Ѓоковиќ во Мелбурн.

Исто така, доколку тенисерите и тенисерките добијат медицински исклучок, нивното име нема да биде објавено доколку добијат таква дозвола и тоа поради почитувањето на приватноста на тенисерите.

Тениската федерација на Австралија, го објави протоколот за учество на Австралија Опен. И покрај податокот дека никогаш јавно нема да бидат објавено имињара на тенисерите кои ќе бараат медицински исклучок, во протоколот стои дека секое барање ќе го прегледува стручна лекарска комисија, а пријавите потоа ќе имаат и втора ревизија.

Доколку медицинскиот исклучок биде потврден од комисиите, барањето ќе биде доставено до австралискиот регистер за имунизација. Според директорот на Австралија Опен, Крег Тили, ниту еден тенисер и тенисерка не добиле медицински исклучок.

Министерот за спорт на сојузната држава Викторија, Мартин Пакула неодамна изјави дека се надева дека на Австралија Опен ќе настапи Новак Ѓоковиќ и тоа како вакциниран.

– Доколку одлучи да не се вакцинира, а не ги исполнува условите за медицински исклучок, тогаш нема да игра на Австралија Опен – изјави Пакула.  
Новак Ѓоковиќ е актуелен шампион на Австралија Опен.