Познатиот американски комичар и писател Кени Дефорест почина на 37 години, пет дена по несреќата со велосипед во Бруклин, пренесува „Ењус“.

Дефорест беше хоспитализиран и беше подложен на невролошка операција веднаш по несреќата на 8 декември. Имаше оштетување на мозокот. Комичарот за жал подлегна на повреди и почина, опкружен со родителите, семејството и пријателите.

„Кени Дефорест имаше навистина позитивно влијание врз сите животи што ги допре. Последните моменти на Кени вклучуваа некои од неговите омилени песни, приказни од неговото детство и сеќавања за неговата голема позитивност и радост во животот“, пишува на страницата „Гоуфандми“, за собирање средства во неговиот погреб.

Инаку, во 2015 година, Дефорест беше именуван на списокот на комичари кои вреди да се слушаат на „Комеди сентрал“ (Comedy Central). Магазинот „Бруклин“ го прогласи за еден од 50-те најсмешни луѓе во Њујорк следната година. Тој исто така се појави на „Лејт лејт шоу“ (The Late Late Show) со Џејмс Корден и „Лејт најт“ (Late Night) со Сет Мејерс.