Центарот за управување со кризи (ЦУК) извести дека ситуацијата со пожарот во Вардариште е под контрола и дека не постои опасност од повторно разгорување на огнот.

Паралелно со интервенцијата, од „ЕВН“ информираат дека дел по дел го нормализираат снабдувањето со електрична енергија во нисконапонската мрежа. Се очекува целосно стабилизирање на напојувањето со струја во најкус можен рок.

Пожарот предизвика пад на системот за струја во реонот, по што без електрична енергија останаа околу 47.000 жители на населбите Аеродром, Ново Лисиче и Гази Баба.

Надлежните институции апелираат на претпазливост и внимателно движење во околината додека трае финалната фаза од интервенцијата.