За првпат после 5 години, вечерва во 19 часот и 10 минути заѕвонеа камбаните на Нотр Дам. Луѓето присутни во катедралата и во околината на плоштадот, ги слушаа во тишина.

Францускиот претседател Емануел Макрон и неговата сопруга ги пречекаа и се фотографираа со шефови на држави, на влади и познати личности на плоштадот пред Нотр Дам.Меѓу нив се и претседателот на Украина Володимир Зеленски, новоизбраниот претседател на САД, Доналд Трамп, како и првата дама, сопругата на актуелниот американски претседател Џил Бајден.На 15 април 2019 година, светски познатата париска катедрала од 12 век беше зафатена во пожар.

Пожарот кој ги уништи покривот и кулата на покривот, а сериозно ја оштети внатрешноста на катедралата, горните ѕидови и прозорците, беше изгаснат 15 часа подоцна. Немаше повредени.