Познатиот филмски режисер и оскаровец Роман Полански повеќе нема да се соочува со можноста да му се суди за наводен сексуален напад на малолетничка, бидејќи е постигната спогодба во врска со тој случај.

За овој случај, кој се однесува на инцидент во 1973 година, Полански требаше да биде сослушан пред судот во Лос Анџелес следниот август, пишува „Гардијан“.

Во тужбата се наведува дека Полански го однел тогашното 13-годишно девојче – чие име не е објавено – на вечера, по што се случил наводниот напад. Наводно ѝ дал текила, а кога почнало да ѝ се врти во главата, ја однел до неговата куќа.

Сепак, случајот „во текот на летото беше решен со спогодба и сега е официјално отфрлен“, рекол адвокатот на Роман Полански.

Тужбата беше поднесена во јуни 2023 година, непосредно пред истекот на законскиот рок за поднесување тужби за сексуален криминал, кој им овозможува на жртвите на сексуални злосторства да поднесат тужби против сторителите.

Полански и претходно беше обвинет за слични инциденти, но тој ги отфрли сите обвинувања.

Францускиот суд го ослободи Ромaн Полански од обвиненијата: Актерка тврдеше дека ја силувал кога била малолетна