Долго време се најавуваше, а денеска е потврдено влегувањето на екипата на Дубаи во регионалната АБА лига.

Во текот на денешниот ден се одржа собрание на кое се усвои предлогот Дубаи да игра во ова натпреварување. Според информациите двете страни се договориле за повеќегодишна соработка.

„Исполнети се сите услови за спортска и бизнис соработа, така Дубаи ќе учествува во АБА лигата во сезоната 2024/2025“, стои во објавата од АБА лигата.

Кога Дубаи е во прашање во медиумите се појавија најави дека искусниот српски стратег Александар Ѓорѓевиќ ќе биде нивниот нов тренер. Но, за ова да се случи Дубаи ќе мора да плати оштета на кинеската репрезентација каде што Ѓорѓевиќ во овој момент е селектор.