Поранешната балерина Мелани Хемрик (37) конечно ја потврди свршувачката со рокерот Мик Џегер (81), фронтмен на бендот „Ролинг Стоунс“, пренесува „Пипл“.

И покрај тоа, Мелани вели дека не брзаат да се венчаат.

„Можеби ќе се венчаме еден ден, можеби не. Толку сме среќни со животот што го имаме во моментов што премногу би се плашела да сменам нешто“, изјавила таа во интервју за „Paris Match“.

Џегер го запознал својата партнерка во февруари 2014 година на концерт на „Ролинг Стоунс“ во Токио. Таа на концертот настапувала како танчерка со американскиот балетски театар и тогаш имала 26 години. Хамрик се присети дека Џегер ја поздравил кога се сретнале зад сцената.

Пред седум години тие станаа родители на нивниот син Деверо.

“Мик целосно се промени. Порано многу ги менуваше девојките. Сепак, Мелани и Деверо одат на турнеја со него, па семејството е секогаш заедно. Тоа го прави среќен”, изјавил еднаш извор за американските медиуми.

Мелани одговори и на критиките во врска со разликата во годините меѓу неа и Џегер.

„Не размислувам за тоа. Секој има свое мислење. Ако размислувате за мислењата на другите луѓе, без разлика каде се наоѓате во животот, ќе имате проблем“, изјави таа.

Двојката живее на две дестинации – во изнајмена куќа во Њујорк и во замок на реката Лоара во Франција, каде што нивниот син оди на училиште.