Потресна исповед на Деми Ловато: Ме силуваа два пати и како невина девојка и додека бев предозирана
Пејачката Деми Ловато по долги години молк, проговори дека била силувана како тинејџерка во нејзината нова документарна серија „ Dancing with the Devil“. „Ја изгубив невиноста додека ме силуваа“, рече 28 – годишната ѕвезда.
Препорачано
View this post on Instagram
„Се забавувавме, но реков дека не сакам да одам понатаму, бев невина и не сакав да се менувам на тој начин. Тоа не беше важно за него, таа личност го стори тоа како и да е. Јас го потиснав во себе и се убедив дека тоа е моја вина затоа што отидов во соба со него, поточно се чувствува виновна затоа што имав афера со него“, рече Деми, која се прослави на своја 15-годишна возраст со улога на Дизни.
View this post on Instagram
„Мојата булимија се влоши“
Таа и некои други ѕвезди на „Дизни“ како Селена Гомез, Мајли Сајрус и Џонас Брејдерс тогаш беа познати по таканаречените „прстени на невиноста“, кои симболизираа дека нема да имаат секс пред брак. „Тоа е католичкото воспитување во кое пораснав“, вели Деми, што влијаело врз неа да помисли дека мора да молчи за силувањето.
„Бев дел од „толпата“ на Дизни која јавно рече дека ќе почекаат до брак“, рече таа. „Мојот прв пат не беше романтичен, тоа беше „срање“. И тогаш сè уште морав да ја гледам таа личност цело време, па престанав да јадам и се борев на други начини: Се сечев, повраќав, едноставно, премногу болка… И булимијата ми се влоши толку многу што почнав да повраќам крв“, рече таа.
View this post on Instagram
Ловато исто така вели дека во тоа време не признала јавно, делумно поради тоа како јавноста се однесувала кон Ријана откако Крис Браун ја нападна во 2009 година. Силувачот на Деми никогаш не одговарал за стореното кривично дело – силување, иако таа вели дека се обидела да им каже на некои пријатели што и се случило.
„Бев силувана и една ноќ кога се предозирав“
Деми повторно доживеала сексуална траума летото 2018 година, по предозирање со наркотици, поради што била хоспитализирана и по што претрпела неколку мозочни удари, како и срцев удар. Дотогаш, таа била трезна шест години, но „попуштила “ неколку месеци порано, на забава на која, како што признала, комбинирала метамфетамин, кокаин, „моли“, окситоцин, марихуана и алкохол.
View this post on Instagram
Таа ноќ кога се предозирала, 23.07.2018 година, Деми била со пријателите во неколку барови, а забавата потоа продолжила во нејзиниот дом. Кога сите си заминале, Ловато го повикала дилерот кој и донел оксикодон, за кој верува дека бил измешан со фентанил.
„Не само што доживеав предозирање, туку бев и силувана, повторно. Доживеав сексуална траума кога бев тинејџерка, а сега кога ме најдоа, бев гола и модра. Буквално ме оставил мртва откако ме искористил“, вели Деми за дилерот од кој набавувала дрога.
„Кога ме најдоа во болницата, ме прашаа дали имам консензуален секс. Немам меморија од таа ноќ, само како „блиц“, и тогаш им реков дека имам. Само неколку месеци подоцна сфатив дека не сум била при свест за да се согласам на секс“, вели пејачката.
View this post on Instagram
„Доволно сум била отфрлена и напуштена“, додаде таа.
Деми имаше проблеми со видот по предозирањето, како и бројни други здравствени проблеми. „Не можам да возам повеќе затоа што не гледам добро. Кога истурам вода во чаша, честопати ја промашувам затоа што не гледам добро“, вели таа.
„Предозирање не беше мојот последен контакт со хероинот“
Таа исто така призна дека повторно се јавила кај истиот дилер кога се вратила од болницата.
View this post on Instagram
„Би сакала да кажам дека таа вечер беше мојот последен контакт со хероин, но не беше. Сакав да го испробам неговиот избор и да ме злоупотреби повторно. Сакав тоа да биде мој избор, а тој имаше нешто што тогаш го сакав, дрога“, признава Деми.
„Не поправи ништо, се чувствував полошо, но тоа беше мојот начин да ја повратам моќта“, вели пејачката.
Документарецот за Деми Ловато „Танц со ѓаволот“ има четири епизоди и ќе може да го гледате неговото продолжение на „ЈуТјуб“.
